‘तिकडे ट्रकड्रायव्हरला डॉक्टरांपेक्षा जास्त पगार आहे’, अशा उदाहरणांसह डॉ. नानासाहेब थोरात यांनी जेनझींना जगभरातील शिक्षणाचा व रोजगाराचा दृष्टीकोन सांगितला.
भारतात स्पर्धा परिक्षांमुळे शिक्षणाची संकुचित झालेली व्याख्या यावर त्यांनी भाष्य केले. ऑक्सफर्ड तसेच इतर विद्यापीठांमध्ये असणारी शिक्षण पद्धती, सध्या विविध विषयांना जगभरात असणारी मागणी यावर त्यांनी विद्यार्थ्यांना मार्गदर्शन केलं.
साताऱ्यातील मायनी या गावात जिल्हा परिषद शाळेत शिकलेल्या नानासाहेब यांनी भारतातच एमएससी, पीएचडी केली. त्यानंतर त्यांनी ऑक्सफर्ड विद्यापीठापर्यंतचा प्रवास केला. भौतिकशास्त्र हा त्यांचा अभ्यासाचा विभाग असून कर्करोग, नॅनोमेडिसिन यात त्यांचे संशोधन आहे.
